اصحابي

النهاردة حبيت اكتب عن اصحابي وهما فعلا اصحابي

رغم ان هناك فارق بيننا فى العمر الا اننى ارتاح لهم كثيرا جدا لانهم فعلا شباب رائع لا يحمل حقدا ولا ضغينة ترى فى قلوبهم الطيبة والنقاء ، معلش يمكن هاصدعكم شوية بس بجد الناس دى انا بحبها جدا ومحتاج اكتب عنها كتيييييييييييييييييييييييييييييييييييييييييييييييييييييييييييييييييييييييير .

الاول ابو تي شيرت احمر ده يبقي ابراهيم وعلى فكرة ما تخافوش من جسمه لان قلبه ابيض جدا جدا وبيعز الاكل اى نوع مش مهم المهم ان اسمه اكل / عنده شوية بدل وجرافاتات حكاية وشيك جدا ومتدين جدا .

الثانى اللى لابس اسود ده بقي يبقي اسامة شاب هرماوى برضه وهو اصلا صاحب ابراهيم بتاع الاكل / بس شاب هاااااااااااااااااااااااااااااادئ جدا لو سلم عليك تحتاج ميكروفونات الاستاد علشان تسمعه تحس انه حالة فريدة فى الصوت الهادئ علما بانه هو وابراهيم بيقطعوا بعض ضرب بس مش مشكلة اهم اصحاب بقي .

التالت بقي اللى دقنه خفيفة ده يبقي هانى وده شاب من قليوب بس مش عارف المحطة ولا البلد ماعلينا / هانى ده بقي طيب جدا بس يديك انطباع ان هو بيعرف فى كل شئ على الرغم من انه طيب جدا وخبراته فى الحياة محدوة بس الشهادة لله شاب محترم قوى وانا مسميه اخو البنات لان كل زمايله فى الشغل معاه بنات .

الرابع بقي يبقي الكارثة الكبري وده اسمه كريم او كيكو كما احب ان اناديه وهو يقول لى ياعم " اس " كريم هذا شاب مكافح جدا صعد السلم من اوله ولسة ما وصلش للاخر لحد دلوقت خاطب بقي ومطحون مع النجارين والمحارين والعفش بس شاب محترم ودمه خفيف جدا ، وانا اعتبره اقرب المقربين لى فعلا لانه شخصية جميلة يتكتب فيها ابيات شعر ، ومتواضع جدا واحلى حاجة فى كريم انه بيضحك حتى لو مافيش فى جيبه جنيه .

الخامس بقي الى لابس ابيض فى ابيض ده هو وائل ابن عمى وصديق العمر " ابو انسام " اسم بنته انسام وهو شخصية طيبة القلب جدا زى جلابيته كده وهو من النجعاوية الجدعان نسبة الى نجع " ميت يعيش " بلدنا .


السادس بقي هو اللى ماسك الكاميرا وبيصورهم وهو العبد لله ، حاجة ماتتشافش كده .

المهم حبيت بس اقول للناس دى كلمة واحدة "

احبكم من كل قلبي