انا والدايت
منذ مطلع هذا الاسبوع اتخذت قرارا صعبا من اهم قرارات حياتى الا وهو انى اعمل " دايت " او ريجيم واستقيت كلمة " دايت " هذه من زميلتى الفاضلة زينب المهم قررت ان اعمل " دايت " زى زينب ونظرا لتردى حالتى " الكرشية " جدا ونظرا لوجود هذا المخلوق الذي يمشي امامي فى كل مكان ويجثم فوق انفاسي عند النوم قررت انى اعمل " دايت " وبما انى من سكان الادوار العليا فطلوع السلم عندى هو مارثون شاق جدا ، ولذا قررت انى اكون فتى رشيق ممشوق القوام ، وشرعت فورا فى الدايت .
قعدت افكر طب الدايت ده بيعملوه ازاى فيه واحد صاحبي ظريف قاللى خلى عربية نقل تعدى فوق كرشك والاخر قالى تجرى كل يوم 30 كيلو بس اكتشفت انى هابقي ديد مش دايت .
المهم ابتديت فى الدايت ولا احد يصدق اننى اريد ذلك بالفعل وقلت ياض يا سلم افطر فطار ذوات واتغذى غدا مساكين واوعى تتعشي .
وابتديت فعلا وفطرت فى اول يوم بيضة مسلوقة وربع رغيف والغدا كان قطعة توست سن بتاع المستشفيات ولما روحت بالليل وطبعا كنت منهار اتعشيت كوب من الزبادى البيتى ونمت وانا اتألم تاركا خلفي حلة محشي فلفل كما هي ولكن اثبت يا سلم خليك بطل .
ونمت وفى الفجر صحيت هاموت وقعدت زى الفار اقرقض فى خيار وجزر لغاية ما شبعت .
تانى يوم فطرت بيضة برضه وشوية سلاطة خضراء واتغديت توست برضه وعلى الرغم من مغريات الزملاء بالاكل الممتع الا اننى صامد صمود الابطال ويا جبل ما يهزك ريح عذرا " وياكرش ما يهزك ريح " .
المهم انى اصمد
اقولكم على حاجة
انا عارف نفسي هارجع فى كلامى بس اهو بجرب ويارب انفع وابقي رشيق ووسيم وحليوة واتخلص من رفيق دربي
اقولكم على حاجة
انا عارف نفسي هارجع فى كلامى بس اهو بجرب ويارب انفع وابقي رشيق ووسيم وحليوة واتخلص من رفيق دربي
" الكرش " .
هناك ١٥ تعليقًا:
ربنا معاك وتصمد صمود الأبطال - بس انت وسيم وحليوة من غير دايت ولا حاجة كفاية احتوائك للناس اللى حواليك - على فكرة انا فضلت شوية وبعدين بطلت لأني تعبت وزهقت وأملي فيك انك تكمل المسيرة .
عاوز تبقي رشيق ووسيم وحليوة مرة واحدة
باين عليك عاوز تتجوز
او عايش و مش عايش
أو ؟؟؟
ولا أقولك كفاية كده
يا حج اسلام لى العذاب اللى انت فيه ما انت حلو كدة، يا عم دة الاكل متعة من متع الحياة لى تحرم نفسك منها، عايز تخس من غير ما تعمل دايت، بس يا عم قبل ما تنام فكر شويه، وشوف النتيجة، يا عم قوم كل ،لان بصراحة .....عمرك ما ههههههههههههاتصمد.
ربنا يقويك ويصبرك ويكلمل دايتك على خير باذن الله من غير اى تراجع ...
قال رسول الله صلى الله عليه وسلم "نحن قوم لا نأكل حتى نجوع وإذا أكلنا لا نشبع" هي دي ببساطة الوصفة السحرية ولا دكاترة ولا وصفات ، ناكل اول ما فعلا فعلا نجوع يعني الأكل مش للتسلية وتضييع الوقت ولا حبا في الأكلة دي وخلاص ، ونوقف أكل فورا اول ما نبتدي نشبع مش نستنى لما يصعب علينا نلقط نفسنا، وبالمناسبة كلنا ساعات كتير بننسى نفسنا ف الاكل بس لازم نفتكر تاني الرسول قال ايه.
طيب نسمع حديث نبوي تاني ف موضوع الأكل وبرضو فيه وصفة سحرية وقال ".. ولكن ثلث لطعامط وثلث لشرابك وثلث لنفسك" وبالفعل الموضوع دا عن تجربة لو بنشرب مية تساوي ثلث معدتنا قبل الأكل وبعدها ناكل سلطة ونبتدي بالشوربة وبعدها ناكل عادي جدا لغاية ما نبتدي نشبع يعني يكون فيه مساحة كافية للتنفس ، فعلا مش هانحتاج للدايت لإن دا دايت نبوي.
حاجة كمان ياريت كلنا نبعد عنها وأنا أولكم مأكولات الفرن لإنها مليئة بالسعرات بطريقة مجنونة .
ولأن ربنا بيحب المؤمن القوي هانعاهده نحاول نحافظ على صحتنا قدر الإمكان واتمنى لك حياة كلها صحة وسعادة .
اختك شيماء
ههههه يا عم إسلام .. لا التخين عاجبه ولا الرفيع عاجبه ...
يعني مثلاً أنا حاولت أتخن شوية وفشلت، لأني للأسف مش افش أتخن ههههه ..
غريبه مش كده ؟!!!
على العموم لسه عندي امل إني أتخن بعد الجواز .. كلهم بيقولوا كده.
المهم إنتي ربنا يقويك وتقدر تستمر على الدايت...
الحقيقة النهاردة كنت ناوي اعزمك على أكله كباب وكفته وطرب ومحشي وشوية حاجات كده إنما إيه .. لكن الظهار ملكش نصيب بقي .. وميخلصنيش إني أكون سبب في ضياع الدايت بتاعك.
هاني
ههههه يا عم إسلام .. لا التخين عاجبه ولا الرفيع عاجبه ...
يعني مثلاً أنا حاولت أتخن شوية وفشلت، لأني للأسف مش فاضي أتخن ههههه ..
غريبه مش كده ؟!!!
على العموم لسه عندي أمل إني أتخن بعد الجواز .. كلهم بيقولوا كده.
المهم إنت ربنا يقويك وتقدر تستمر على الدايت...
الحقيقة النهاردة كنت ناوي اعزمك على أكله كباب وكفته وطرب ومحشي وشوية حاجات كده إنما إيه .. لكن الظاهر ملكش نصيب بقي .. وميخلصنيش إني أكون سبب في ضياع الدايت بتاعك.
هاني
محمد حسن
*********
معك حف التفكير احسن ريجيم
اختى شيماء
**************
الحكمة النبوية فى هذا رائعة جدا لكى يقدر الانسان على اداء اعماله بنشاط جزاك الله خيرا
هانى
***********
انا ممكن ابوظ الدايت لو هاتعزمنى بجد النهاردة
ربنا يقويك يا عم أبو أدهم وتصمد. أهم حاجة الإرادة، فاجعل إرادتك تتغلب على نفسك
هالة
********
ادعيلي يا هالة انى اصمد
انت فعلا وسيم وحليوة من غير حاجة لكن يا سلام لو خسيت شوية صغننين تبقي ما حصلتشششششششش
احنا منتظرين النتيجة وربنا يقويك وتتخلص من رفيق دربك الي الابد
تحياتي
أتمنى لك حياة رشيقة .. دون أى مخلوقات تطغى على أنفاسك
إلى الرشاقة والحيوية يا بطل
أميرة
اميرة
**********
ياله من شرف عظيم لمدونتى ان تضعى فيها تعليقا خاصة بعد ان اعتزلتى التدوين / اشكر لمشاركتك الجميلة وتحياتى يا اختى الفاضلة
الاخ ابو ادهم
............
جئت اعتذر
تحياتي
اخي سمسم/ نحن اخوات وشرف لى ان اكون صديقا لشخص جميل مثلك لا اعتذارات بيننا مطلقاكسر يا عم وانا هاصلح . اخوك ابو ادهم
إرسال تعليق