صباح الفل يا جميل

صباح الفل يا جميل كلمة بقولها اول ما بدخل مكان عملى صباحا بداية من عم كمال موظف الامن وحتى أصبح على جهاز الكمبيوتر الخاص بي وحتى لا تظن احداهن اننى اغازل فاكتفي عند الصباح على زميلاتى بكلمة صباح الخير مصحوبة بابتسامة قد تكون صفراء منعا لاى اشتباك مع احداهن ويروحوا يفتنوا عليا ويقولوا ده بيعاكسنا .

انواع الصباحات تختلف من واحد لاخر فمثلا :

لما بصبح على كريم لازم اخد منه بوستين مع عناق حار وطرقعة على الاكتاف تسمع امة لا الا الا الله كلها ، وازيك يا عم اس ازيك يا كيكو .

وبعدين اخش على هيما فيستقبلنى بصباح تكسير الايدي مع سلام حار .

اما هانى فمعه اليوم بيبقي غريب لان صباحه بيبقي زى ذقنه لازم يعلم فى وشك بثقوب من ذقنه .

اما ابو كريم بقي او محمود " الرايق " فصباحه يحسسك انه جاى يحب فيك مش يصبح .

اما اخى الكبير وحبيبي عادل فصباحه مميز وانتظره كل صباح ، صباح الفل يا " لومة " ويكون اجمل صباح بجد من اجمل قلب .

اما " ابو ردين " حبيبي وهو الكبير بتاعنا كلنا فصباحه مختلف تماما فهو دائما يصبح على انفي بباقة من عطوره المميزة الجميلة التى تبعث الانتعاش كل صباح .

اما زيزو فحدث ولا حرج فصباحه يبدأ بخبطة قوية على الظهر يحطم فيها عظامى .

اما محمد السيد ابوعمو ذلك الفتى الصعيدي الشهم الذي يطعمنا الفطير دائما فصباحه صباح صعايدة بجد .

شوفتوا بقي انواع الصباحات بتختلف ازاى .

اما زميلاتى الفضليات فيكفينى ان اقول صباح الخير وصباح النور ، فى رسمية شديدة منعا لاى بلاغات ضدي في قسم شرطة زوجتى .
شوفتوا بقي ان الصباح له انواع .

صباحكم فل كلكم شباب وبنات